اتصال صباحي على الجوال من إحدى الموكلات : الموكلة : ( تنفخ ) .. أف .. أف … الداعي لكم بطول العمر: يا فتاح يا عليم يا رزاق يا كريم … خير يا مدام ليش هالتنفيخ من …. (عز) الصبح ؟ الموكلة : أف منك يا أستاذ ! … شو بدي قول بس .. الله يسامحك ! الداعي : خير … شو عملنالك يا مدام ؟ الموكلة : الحقيقة أنت على سلامتك ، بس هالمنظوم زوجي يلي أنت رجعتني إلو على كفالتك هو يلي عمل … الداعي : خير يا مدام شو عمل … حكيلي بشو غلط معك لأتصرف معو ؟ الموكلة : يلي صار ما بيرضيك منوب يا أستاذ … امبارح عم نتمشى سوا بالسوق أنا وياه وابننا الصغير … الصغير بشوف على باب صيدلية الشعار تبع الصيادلة ، بقوم بيسأله بكل براءة :" بابا .. شو هي الرسمة " ؟ …. بتعرف شو جاوبه ؟ الداعي : لا والله ما بعرف … شو جاوبه ؟ الموكلة : قله بابا .. هي صورة أمك هي وعم تاكل بوظة !! الداعي وضع يده على السماعة لكتم الصوت وغرق في نوبة ضحك 😂😂😂 وبعد أن تمالكت نفسي أجبتها مازحاً: أي مدام بتكوني مصبحتيه متل ما صبحتيني هلق بتنفيخ وفحيح بوجهه قام التبس عليه الموضوع .بسام العطري محامي ومستشار قانوني حوارات_يومية
